Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Artesanía

compras"Los artesanos vienden les producciones de la so industria y les manufactures de les sos artes y oficios", dixo Xovellanos nel sieglu XVIII depués d'estudiar el primer exemplu que tenía a la vista: el mercáu artesanu de Xixón.

Al términu artesanía que, como vemos, tien padrín de Xixón y apaez per primer vegada nel nuestru vocabulariu nel sieglu XVIII, habíamios d'amestá-y los axetivos tradicional y/o popular. Indicativu, el primeru, d'una herencia qu'entovía vive ente nosotros; el caberu, d'aquello que, heredao o non, sigue valiendo ente la xente.

En Xixón alcontramos agora mesmo referentes exemplares d'artesanía tradicional y popular, artesanos y artesanes que trabayen a lo antiguo pero axuntándolo, tamién, coles nueves idegues. L'artesanu de Xixón d'anguaño nun para quietu y, partiendo del diseñu tradicional de les pieces y de los oxetos artesanos, busca la forma nueva, la creación estética personal.