Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón ensin gluten

Ye un proyeutu etamáu dende Xixón Turismu que tien un oxetivu doble. Per un llau, ye fonte d’información fiable y útil pa les persones con intolerancia alimentaria que visiten la ciudá, ya que nesta estaya van poder atopar una llista actualizada de restoranes, vinoteques, cerveceríes, confiteríes, xeladeríes y hoteles qu’ufierten productos específicos o adautaos pa les persones celiaques.

Per otru llau, quier poner en valir la sensibilidá de la ciudá hacia les más de quinientes mil persones que carecen d’esta enfermedá y que, en delles ocasiones, alcuentren poques opciones fuera de casa pa poder desarrollar una alimentación acordies coles sos necesidaes.

La enfermedá celiaca carauterizase pola inflamación d’una parte cercana al intestín delgáu, causada por una proteína vexetal que ta presente nel gluten (gliadina). Afáyase en cereales como’l trigu, la cebada, la escanda, l’avena o’l centén. Hai dellos graos d’intolerancia al so consumu, que pue causar problemes graves a les persones celiaques.

Ye importante saber que nun solo ye preciso evitar los platos ellaboraos con estos cereales, sinon que lo fundamental ye que nun se produza la denomada contaminación cruciada, como pue ser, por exemplu, utilizar el mesmo platu de pan, que pue tener restos de fariña, que’l restu de comensales o frir les pataques nel mesmu recipiente nel que primero tresnaron unes croquetes.

Los establecimientos equí reseñaos recibieron una formación específica p’atender a persones celiaques. Poro, cunten con conocencia abonda y sensibilidá acordies pa facer mui prestosa la esperiencia gastronómica “ensin gluten”. El tratu personalizáu escomencipia nel momentu de la reserva telefónica y acaba cuando’l veceru celiacu sal pela puerta. Toos tienen platos específicos o adautaos, un placer pa cualesquier celiacu que presuma de ser gourmet.

Afitáronse tres categoríes pa indicar los tipos estremaos de servicios y productos qu’ufierten los equipamientos hosteleros y hoteleros de la ciudá:

sin gluten 2sin glutenTolos productos del establecimientu tán llibres de gluten y son aptos pa celíacos. Estos llocales sométense a un protocolu estrictu y a controles periódicos.
sin gluten 2Más de la metá de los productos puen servise y adautase a persones celiaques. Estos llocales tán asociaos a ACEPA, FACE (Federación de Asociación de Celíacos de España) o faen controles alimentarios específicos. En dellos casos piden reserva previa.
sin glutenCunten con una serie d’alimentos y/o bébores aptos na so ufierta, que yá vienen envasaos y catalogaos como llibres de gluten.