Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

La Oficina de Normalización Llingüística vuelve a Mercaplana

Votos

(Total de votos recibidos 21)

(Puntuación 3,00)

Mercaplana
Del 22 d’avientu de 2017 al 4 de xineru de 2018, sacante'l 24 y 31
d’avientu
Una vez más l'asturianu va tar presente en Mercaplana. Y esti añu la mar y les llingües van pintar muncho, yá lo verás.

Si quies date un calón, conocer al Anguleru, averate al surf, pescar llingües o xugar colos barcos y los animalinos de la mar… Búscanos nel espaciu de la Oficina de Normalización Llingüística nel Pabellón 4 del Recintu ferial Luis Adaro

Entaína a participar nes nueses actividaes: xuega, escribi, pinta, pesca, cañícate, acierta, pesca… ¡has tar sollerte porque tenemos munches sorpreses!

Actividaes permanentes

Arreblagando coles llingües
Un xuegu xigante pa conocer les distintes llingües y partes del cuerpu.

Subi a la fola del asturianu
Vas poder cañicate na nuestra tabla de surf y deprender sobre esti deporte.

Pesca de baxura
Un xuegu p’alcontrar mensaxes nes botelles de cada llingua.

Tocáu, ¡pero non fundíu!
Un xuegu pa sumar puntos metiendo boles en furacos nos barcos.

Mapa pirata
Xuegu nel que marcar ónde s’alcuentren les ayalgues perdíes.

L'anguleru
Vas poder sacar una semeya con esti personaxe que reparte regalos per Asturies.

Amás vas poder facer chapes y llaveros col diseñu venceyáu a la mar que más te preste.