Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

GijónSeCome torna cola meyor ufierta gastronómica y 72 hores d’espectáculu

Votos

(Total de votos recibidos 0)

(Puntuación 0)

gijon se come 2017
La II edición del festival va celebrase del 2 al 4 d’avientu nel recintu ferial Luis Adaro. El programa inclúi showcookings de chefs ‘estrella michelin’, prebes de baldre y talleres pa tola familia
Too ta iguao pal llanzamientu de la II edición de GijónSeCome, el festival gastronómicu sostenible y responsable d’Asturies, que va celebrase los díes 2, 3 y 4 d’avientu nel Recintu Ferial Luis Adaro de Xixón. Tres l’éxitu de la I edición, el festival torna a la ciudá con un apueste reforciau pal públicu: una ufierta gastronómica más bayurosa, más espectáculu y un conceutu más global, con espositores de toa España.

L’envís d’esti añu ye potenciar el finxu popular del festival p’algamar un públicu masivu interesáu na ‘bona mesa’ y l’espardimientu gastronómicu: los llambiones. Espardióse la ufierta de conteníos, sobre manera de restauración, con más foodtrucks, prebes de baldre y talleres ensin coste, dende echamientu de cerveza a realización de postres.

Tres díes, dos escenarios, 100% espectáculu

Les exhibiciones de cocina en direuto van ser parte central del programa. GijónSeCome va cuntar con dos escenarios (Escenariu Mahou, Escenariu IKEA), per onde van pasar chefs de nivel, con dellos ‘Estrelles Michelin’ y una estaya especial de showcooking de Cocineros Mahou. Destaca la presencia de cocineros d’Asturies y Galicia, con nomes como Marcos Morán, José Antonio Campoviejo, Rodrigo Roza, Diego Fernández, Mariano Mier, Luis Veira o Alberto González Prelcic. Tamién l’apueste pola cantera gastronómica, con concursantes de MastreChef como Estela Antuña o Mateo Sierra.

Pela Gastrollibrería y la zona de talleres de baldre Cocina con Miele van desfilar ponentes como’l chef de Canal Cocina Gonzalo D’Ambrosio, la bloguera Elka Mocker, el mayestru chocolateru David Pallás o l’espertu en nutrición Juan Llorca. Ente los espositores, con orixe per toa España, destaca la presencia institucional. Amás d’ Alimentos del Paraíso Natural, GijónSeCome va cuntar con estands de la Diputación Provincial de Cáceres o la Consellería do Mar de la Xunta de Galicia. Tamién afayaráse como ponente’l gastrónomu Pep Palau, direutor del prestixosu Fòrum Gastronomic, el mayor eventu gastronómicu nacional.

Nel so apueste pola sostenibilidá, el festival creó un sistema de notificaciones automátiques al móvil pa informar al público sobre’l programa. Amás, dende www.gijonsecome.es y los canales sociales va realizase una cobertura en direuto del eventu.

Darréu, un aperitivu del programa.

GRAN PRESENCIA ASTURIANA

Marcos Morán ye ún de los cocineros con más proyeición na escena contemporánea. Dende 2005, ta al frente -xunto col so padre, Pedro Morán- del restorán Casa Gerardo (una estrella Michelin), un referente de la gastronomía que abrió les sos puertes ya va más de 130 años.

José Antonio Campoviejo ye’l chef del restorán El corral del Indianu. Tien una estrella Michelin y dos soles de la Guía Repsol. Acérrime de los productos naturales y ecolóxicos y, sobre manera, de la cocina de proximidá.

Diego Fernández ye’l chef del restorán Regueiro, asitiáu en Puertu Vega, onde cocina de corazón, obsesionáu col gustu y l’equilibriu de los sos platos. Foi’l segundu clasificáu en Madrid Fusión 2014 na estaya de cocineru revelación.

Adrián San Julián ya Iratxe Miranda. Formen el tándem perfeutu pa facer de Yume ún de los meyores restoranes d’Avilés. Él foi escoyíu Meyor Cocineru Mozu d’España en 2014 y siente pasión pola alta cocina. Ella, xefa de sala y especialista en mimar al so equipu, ta namorada de los detalles y del bon gustu: la decoración ye la so pasión.

Pepe Ron y el so hermanu Quique axunten recetes tradicionales con creaciones orixinales nel Restorán Blanco de Cangas de Narcea, desendolcando un equilibriu perfeutu ente clasicismu y vanguardia.

Iván Martínez Villar abrió en 2016 La Gran Vetusta basando la so carta en 80% productos asturianos. La so afición mayor ye’l quesu. Amuesa la gastronomía asturiana en ciudaes españolas y nel extranxeru.

Javier Álvarez abrió en 2015 les puertes de Casa Farpón, asitiáu nel paraxe natural de Mamorana, en La Pola L.lena. Siempres busca la perfeición y la superación con cada veceru, amestando cocina tradicional y cocina de vanguardia.

Mariano Mier ye viaxeru vocacional y practica una cocina inspirada na fusión de sabores del mundu nel so restorán El Quinto. Ye ún de los cocineros con más proyeición de la escena gastronómica.

Rodrigo Roza lleva dende 2002 les riendes del restorán uvieín La Taberna del Zurdo, Meyor Restorán Heterodoxu d’Asturies pol Colexu de Críticos Gastronómicos d’Asturies en 2005. Xuráu en dellos campeonatos de pinchos, en 2017 abrió en Xixón el so restorán nuevu 11 Guajes.

Fredy Moma representa la #cocinaensinetiquetes nel Abilius Gastrochigre d’Avilés. Prefier que seya’l veceru’l que valore la so cocina. Defiende la gastronomía a su manera, ufiertando too lo que-y da tener trabayáu en restoranes de gran prestixu nesti país y nel extranxeru.

REPRESENTACIÓN DE LA MEYOR COCINA GALLEGA

Luis Veira ñació sabiendo que quería ser cocinero, entamó a deprender na escuela d’hostelería de Santiago de Compostela y, tres años de formación, en 2012 abrió Árbore da Veira, onde nun añu algamó una estrella Michelin.

Alberto González Perlic, dexó los sos estudios de Derechu pa dedicase a la so gran pasión, la cocina. Col so restorán Silabario, abiertu en 2008, algama en 2011 la so primer estrella Michelin y conviértese nún de los restoranes imprescindibles de la gastronomía gallega.

ESPECIALISTES EN LLAMBIOTAES

Alberto Díaz y Belén Mata pertenecen el gremiu de confiteros del Principáu d’Asturies (ITEPPA). Él ye’l direutor de la asociación, con 25 años d’esperiencia llaboral en pastelería; ella ye profesora titular de ITTEPA y formó obradores tan importantes como Bubó (Barcelona) o Harrods (Llondres).

Alan García, panaderu y pasteleru, ye la tercer xeneración de la panadería artesana Manín pero el primeru na llinia de postres. Los sos ingredientes principales son: pasión, constancia, tradición ya anovación.

Jhonatan González escomencipió a facer madalenes en casa en 2013 y cuando los encargos, ya non solo de madalenes, medraron, fundó la pastelería Cabo Busto asitiada so una panera en casa los sos güelos. La calidá del productu y l’emplegu de frutes de temporada ye lo primordial.

David Pallás, mayestru del chocolate y embaxador n’España de la marca Lindt. Foi ganador absolutu del World Chocolate Masters (1999). Anguaño presenta’l programa Chocolateando en Canal Cocina que s’emite tamién en Sudáfrica.

LA CANTERA, ¡PRESENTE!

Mateo Sierra, finalista de MasterChef en 2014. Col so llibru Sin Gluten! Deliciosas recetas para celiacos! ta ocupaú en dellos proyeutos venceyaos cola cocina ensin gluten y la formación pa hosteleros que quieran aplicar los métodos nuevos.

Estela Antuña participó con namás 12 años en MasterChef Junior y anguaño deseldolca’l so blog de viaxes y restoranes. Ye tamién imaxe de la empresa madrilana Food in the box.

Alejandro Villa ye’l xefe de cocina del Café de Pandora. En constante deprendizax, formó parte de dellos cursos y certámenes y algamó una montonera de premios.

ACULLÁ LOS FOGONES

Gonzalo D'Ambrosio. El carismáticu chef arxentín de Canal Cocina repite nel festival XixónSecome, anguaño pa presentar el so llibru La Cocina de Gonzalo D'Ambrosio (Editorial Oberón) y, sobre manera, pa traer al festival el exspíritu máxicu #gordor que preside la so manera de cocinar (y tamién de vivir).

Juan Llorca ye un apasionáu de la nutrición y l’alimentación infantil, responsable d’una escuela de cocina infantil y autor del blog Kids Inspire food. Ye ganador del concursu Blogueru Cocineru del añu 2016 en Canal Cocina.

Elka Mocker, chef de sonadía y gran comunicadora, crea’l so blog Lalakitchen en 2013, onde esparde una alimentación y estilu de vida saludables. Ta acabante d’espublizar el so llibru Ama, Come, Vive, Brilla.
Palabras clave Turismo, 2017, Gastronómico