Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

X Campeonatu de Pinchos de Xixón

Votos

(Total de votos recibidos 0)

(Puntuación 0)

Pincho Café Lua
Esti campeonatu popular de micrococina celébrase del 10 al 19 de payares con 119 establecimientos participantes.
Un añu más llega’l Campeonatu de Pinchos de Xixón, entamáu por Fenicia col sofitu de Divertia Xixón. La X edición d’esti concursu popular celébrase del 10 al 19 de payares con 119 propuestes que los participantes van crear pa lluchar pola Escalerona d’Oru.

Va diez años el certame entamó con 46 participantes, y anguaño va camín de triplicar esa cifra. Nun sorpriende que na edición cabera vendiéronse más de 30.000 pinchos.

Van entregase de nueves les distinciones Escalerona d’Oru, Escalerona de Plata y Escalerona de Bronce a les tres meyores ellaboraciones. L’añu pasáu el vencedor foi’l Café de Lúa, con un pinchu nomáu "Viaje a México", ellaboráu por David Castroagudín, qu’incluyía sabores como cochinita pibil, guacamole o cuitlacoche.

Arriendes d’ello, afítase un premiu al meyor pinchu asturianu, otru na estaya Armonización con Conde de Valdemar, el premiu I+D+I, el Pinchu Social Media y otru al más popular.

El xuráu d’esta edición ta formáu por representantes de restoranes gallardonaos cola estrella Michelin y por miembros del Colexu de Críticos Gastronómicos d’Asturies.