Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

‘Pasaporte romanu’ pa celebrar el Día de la Ruta de la Plata

Votos

(Total de votos recibidos 4)

(Puntuación 3,00)

ruta plata 2017
El pasaporte va poder acuñase nel castru de la Campa Torres, la villa romana de Veranes y les Termes Romanes y va poder trocase por regalos. Arriendes d’ello, va ponese en marcha l’Arqueobús y van entamase paseos arqueolóxicos pel Xixón romanu
El día 18 de setiembre viniente va celebrase’l Día de la Ruta Vía de la Plata. Escomencipia un mes con eventos y actividaes a esgaya nos pueblos y ciudaes de la Ruta Vía de la Plata pa conmemorar una fecha simbólica: la nacencia de Marcus Ulpius Traianus, primer emperador nacíu fuera de la Península Itálica.
 
En Xixón va entamase, como l’añu caberu, el ‘Pasaporte romanu’. Ye una tarxeta que va poder acuñase ente’l 18 de setiembre y el 18 d’ochobre nos tres equipamientos romanos de la ciudá: el Parque Arqueolóxico-Natural de la Campa Torres, la villa romana de Veranes y les Termes Romanes de Campu Valdés. Esti va poder trocase por un regalu nos puntos d’información turística Infoxixón. Amás, quien lo apurra acuñáu participará nel sortéu de 2 bonos pal Festival Internacional de Cine de Xixón, entraes pa espectáculos de la seronda cultural y bonos Xixón Llambión.

Arriendes del ‘Pasaporte romanu’, entámense tres actividaes más pa conmemorar el Día de la Ruta de la Plata:

16 de setiembre: Arqueobús
Medugeno Cesaronis, de la gens cilúrniga, y l’espíritu del faunu percorrerán el pasáu romanu de Xixón, visitando dos de los sos sitios más representativos: el castru de la Campa Torres y la villa romana de Veranes. Esta actividá vien a cargu de la compañía Yheppa Títeres y tien un preciu de 3€ (Menores de 6 años, de baldre). El preciu inclúi tresporte, entrada a dos museos y visita guiada. Les places son limitaes. Poro ye preciso inscribirse enantes na oficina d’Infoxixón (Puertu Deportivu y Escalerona).

Del 12 al 15 d’ochobre: Aposentos de la Dómina
El grupu de recreación histórica Peplo afitará los Aposentos de la Dómina na Plaza Mayor, coincidiendo col Mercáu Ecolóxicu y Artesanu. Sedrá un estand conmemorativu nel que s’afayarán talleres participativos sobre peináu y vestimenta romana, con photocall.

14 y 15 d’ochobre: Paseos arqueolóxicos pel Xixón romanu
Conoz el pasáu romanu de Xixón nun percorríu arqueolóxicu pel barriu de Cimavilla. Esta actividá, a cargu de MSArqueo, va desendolcase’l sábadu 14 d’ochobre a les 12:00h y a les 17:00h y el domingu, 15 d’ochobre, a les 12:00h. Inscripciones: Oficina de turismu Infoxixón (a partir del 15 de setiembre).