Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón 'tips' (III): Sobre'l clima y la playa

Votos

(Total de votos recibidos 5)

(Puntuación 3,00)

lluvia
El tiempu en Xixón ye percambiante. Equí ties dellos conseyos pa esos díes que nun sabes si son de playa o de montaña:
  • Nun llueve siempre y, cuando lo fai, nun quedamos en casa.
  • Sicasí, vivimos siempre pendientes de les apps del tiempu.
  • Nun te fíes del orbayu. Paez que non, pero cala.
  • El tiempu ye mui cambiante. Hai díes pel branu que salimos col traxe bañu, el paragües y una chaquetina, por si refresca.
  • El tiempu tamién varía muncho según el llugar, de la montaña a la costa. Hai que mirar si’l tiempu ta meyor pal oriente o pal occidente pa escoyer la playa o la escursión.
  • Somos mui optimistes. En branu sí o sí vamos a la playa, anque tea nublao. Siempre esperamos a qu’escample.
  • En Xixón el clima ye mui templáu pola mar. Nin nieva, nin fai munchu frío, ni muncha calor. Date cuenta qu’el tiempu nos medios nacionales danlo pa toa Asturies. ¡Si fai fríu, ye n’Uviéu, ho!
  • Pero tenemos mui pocu aguante térmicu: con menos de 20 grados quexámonos de fríu y con más de 21 yá sudamos como si fora una fola de calor.
  • Onde siempre se ta bien ye na Cuesta’l Cholo. Hai un microclima.
  • El Cantábricu nun ye una piscina con foles. Curiáu coles banderes y zones de bañu.
  • La marea xube y baxa. Y sí, la sablera apaez y desapaez cada seis hores aproximadamente. Mira bien onde pones la toalla, n’especial en playes abiertes como la de San Llorienzo.