Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón ‘tips’ (I): Sobre la nuestra forma de falar

Votos

(Total de votos recibidos 22)

(Puntuación 3,55)

terrazas ruta
N’Asturies hai una llingua propia, llingua asturiana o asturianu. Hai munches palabres asturianes que mecemos al falar en castellanu (esta xunión de llingües llámase ‘amestáu) y que son parte del pallabreru qu'usa davezu la xente d'Asturies : pota, rodiyu, tendal, picar, marchar, chiscar, a esgaya, fartucar, prestar, mancar, chigre, emburriar, caleya, mozu, guah.e, fame, folixa, xaréu, afayadizu, esfamiáu, abondo…
Pero, amás, tienes que tener en cuenta estos conseyos:
• Si te llamen bobín o bobina, nun t’enfociques. Más qu’un insultu, ye dalgo cariñoso. Preocúpate si te llamen babayu.
• Si te llamen vida o vidina nun creas que tán intentando lligar contigo. Ye una forma cariñosa de dirixinos a la xente, anque nun la conozamos.
• Tampoco te paeza mal si oyes ‘¡Vaya repunante que tas güei!’. Nun ye que deas ascu, sinón que tienes el día un poco cafiante.
• Equí tolo terminamos en -ín o -ina. Nun tien nada que ver col tamañu. Ye solo pa facelo más nuestro. Inclusu nos val pa incluyir el ‘por favor’: ¿Pónesme un cafetín?
• Magar qu'equí en Xixón, como somos grandonos, tamién utilizamos muncho l’aumentativu. Repara: la Escalerona, el Molinón, la Iglesiona, l’ Acerona, la Fabricona, les Lletrones…
• Por cierto, ye sidrina. ¡Non ‘sidriña’!
• Y, yá lo notaríes, ponemos los pronomes al final y utilizamos siempre'l pasáu simple: ¿entendístilo?
• ¡Atentu, atenta! El singular masculín ye -u, el plural ye -os. Y en femenín el singular ye -a y el plural -es. ‘Vaque’ y ‘fabe’ nun esisten. Ye vaca y faba. Plural: vaques y fabes.
• Pue que dalgún nun tenga munchu acentu, pero sí vas notar que YE asturianu, porque lo YE: ¿qué hora ye?; ¿ónde ye?; ¡qué guapu ye!; ¡Ye lo qu’hai!...
• Too ye guapo. El bonitu ye un pexe.
• Pa dar énfasis, acabamos les frases en ¡Ho!, que ye l’apócope d’ home. Tamién vas escuchar ¡Ne! al final si yes muyer.
• ‘Vete a ver la ballena’ nun ye una invitación a una atracción turística pa observar la fauna. Ye que te tán mandando a paséu.
• ¡Ah! Y si hai dalgo que nos gusta, pero al tiempu nos ye afayadizo, dicimos que nos presta o que ye prestoso.