Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

¡Folada nueva de bandes pa Tsunami Xixón!

Votos

(Total de votos recibidos 4)

(Puntuación 4,50)

tsunami gijon
  • The Sounds, Joey Cape, Sam Alone & The Gravediggers, True Montains, Dani Llamas, The Garaje Van, Los Tiki Phantoms, Vulk y Favx, nueves confirmaciones pa zarrar el cartelu.
  • Eses bandes súmense a The Offspring, Pennywise, Kadavar, Berri Txarrak y Toundra, Desakato, Sexy Zebras, Jardín de la Croix y Acid Mess.
  • El festival, entamáu polos promotores Iván Méndez, Ramón Noguera y pol Principáu d’Asturies y Divertia Gijón va celebrase los díes 28 y 29 de xunetu de 2017.
  • Afitaráse una zona d’acampada y un alcuerdu con Jägermaister pa promocionar la música rock underground nacional.
¡Novedaes!
The Sounds, banda sueca con un estilu inconfundible qu’amiesta indie rock y lletrónica. Los sos ésitos perconocíos son: Tony The Beat, Painted By Numbers, Living In America o No One Sleeps When I’m Awake. En Xixón van presentar tamién el so trabayu caberu, del que yá conocemos el so single primeru Thrill.

Pela so parte, ún de los personaxes más queríos nel punk rock, el cantante de Lagwagon, Joey Cape, va actuar nel festival en solitariu interpretando los sos temes más populares y cantares del so discu caberu Stitch Puppy. Tamién, del nuesu país vecín Portugal va aportar otru vieyu conocíu cola so banda paralela. Poli, cantante de Devil In Me, va actuar col so proyeutu Sam Alone & The Gravediggers, folk afayadizu pa tola familia y pa esfrutar con tolos collacios. Dende A Coruña, afitóse la presencia de los míticos True Mountains, que van apaecer col so punk acústicu particular y van amosar a qué suena’l so álbum prósimu, el segundu de la so carrera. Dani Llamas tamién va venir a Xixón en solitariu, dexando de lláu la so otra pasión, G.A.S. Drummers, y va ufiertanos los sos meyores ésitos como “Ecstasy” o “Hands To Wave”, ente otros. Amás, vamos tener a los llocales The Garage Van, una banda de Xixón que fusiona la sicodelia y l’indie rock.

D’últimes, informamos que Tsunami Xixón y Jägermeister van collaborar na primer edición del festival asturianu pa programar xuntamente bandes del programa Jägermusic nel eventu, col enfotu de sofitar la escena musical underground nacional. Esti alcuerdu va permitir que 4 bandes Jägermusic toquen el sábadu nel escenariu de Jägermeister del festival. L’escaparate de soníos urbanos de Jägermusic va tener como cabezaleros a los catalanes Los Tiki Phantoms, que van presentar el so discu nuevu Aventuras en celuloide; Jardín de la Croix, yá confirmaos; y dos grupos que tán agora surdiendo: Vulk, banda bilbaína con un direutu valtador y con una mecigaya d’influencies punk, new wave y power pop; y los madrilanos Favx, que van descargar enerxía 90’s a ritmu de punk y post-hardcore.

Darréu va dase anuncia de tola programación distribuyida ente los cuatro escenarios que va tener l’eventu (ún na Plaza Mayor de Xixón, dos en Llaboral y otru por confirmar). Les nueves confirmaciones queden asina:
  • The Sounds
  • Joey Cape
  • Los Tiki Phantoms
  • Dani Llamas
  • True Mountains
  • Sam Alone & The Gravediggers
  • Vulk
  • FAVX
  • The Garage Van
Toes estes xúntense a les yá zarraes va delles selmanes:
  • The Offspring
  • Pennywise
  • Kadavar
  • Berri Txarrak
  • Toundra (con orquesta)
  • Desakato
  • Sexy Zebras
  • Jardín de la Croix
  • Acid Mess

Les novedaes nun queden ehí, porque’l festival va tener una zona d’acampada oficial nel Camping Municipal de Deva, a namás 700 metros de Llaboral Ciudá de la Cultura. Con una ufierta bayurosa (espaciu pa tiendes, caravanes, autocaravanes o bungalows), va tener tamién un bus llanzadera de dir y volver hasta’l recintu principal. Tola información pa facer la reserva pue atopase na nuesa páxina web www.tsunamixixon.com.

Pa tolos asistentes del festival, tamién van afitase dellos descuentos en productos de Xixón Turismu, como Xixón Card, Xixón Llambión o Ruta de la Sidra. Más información en www.gijon.info.

Toes estes actuaciones tán incluyíes nel bonu’l festival, que tien un preciu final de 39 €.
TOLA INFO EN: http://www.tsunamixixon.com
Palabras clave Turismo