Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

21 de febreru: Día Internacional de la Llingua Materna

Votos

(Total de votos recibidos 79)

(Puntuación 3,01)

Llingua Vida
Celébrase’l 21 de febreru, porque en 1952 morrieron tres persones en Bangladesh nuna manifestación que pidía que la so llingua materna, el Bangla, fuera reconocida pol Estáu.
En 1999 la UNESCO declarólu’l Día Internacional de la Llingua Materna. Magar que foi Bangladesh el país qu’unvió formalmente la propuesta a esta institución, la idea surdió en Canadá, d’una organización llamada Amantes de la Llingua Materna del Mundu, formada por diez falantes d’inglés, kutchi, cantonés, alemán, filipinu, bengalí ya hindú. Ellos ficieron el pidimientu primeru, pero la UNESCO informólos de que namás podía venir de dalgún país miembru pa ser considerada. Entós, esta organización informó per teléfonu al Ministru d’Educación de Bangladesh qu’al empar avisó al Primer Ministru que lu autorizó a mandar la propuesta nel intre.

Cellébrase pa pa dar puxu a la diversidá llingüísitca y cultural y el multillingüismu, dao que les llingües son poderosos preseos pa la proteición y el desendolcu del nuestru patrimoniu cultural tanxible ya intanxible.

El fechu de promover l’espardimientu de les llingües maternes val non solo pa incentivar la diversidá llingüística y la educación multillingüe, sinón tamién pa crear mayor conciencia sobre les tradiciones alredor del mundu ya inspirar a la solidaridá basada nel entendimientu, la tolerancia y el diálogu.