Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Yá a la venta la guía "Gijón con perro" de Sr. Perro

Votos

(Total de votos recibidos 12)

(Puntuación 2,67)

logo sr perro
  • El perconocíu blog SrPerro.com pon a la venta la guía "Gijón con Perro", la chuleta perfeuta pa cualesquier dueñu de can que quiera esfrutar entá más na ciudá: pistes prestoses, información útil y tamién solidaria.
  • Yá pues mercala en Sr.Perro.com.
El blog Sr. Perro pon esta selmana a la venta, en xunto cola estaya de Turismu de Divertia Gijón, la guía “Gijón con perro”. La publicación esbilla les meyores direiciones dog friendly, los chigres más afayadizos pa tomar un vermú, los cafés nos que merendar y tar na gloria, les tiendes orixinales, les galeríes d’arte y tamién los hoteles...

Amás, nesti llibrín atoparás información práutica d’utilidá: direiciones de veterinarios y de tiendes de productos pa perros, los parques y espacios verdes más recomendables, la normativa sobre sableres, información sobre cómo movese en tresporte públicu, conseyos pa saber qué facer si un perru se pierde y normes d’educación canina pa tolos canes urbaniegos, en collaboración con Alba Benítez, de Simiperrohablara.com.

Y ye una edición solidaria: nel llibru atoparás información sobre cómo podemos agabitar a Amigos Del Perro, pa collaborar con ellos, y echar una pata a los perros qu’entá ñaguen por alcontrar un llar qu’allegrar. Dónase un porcentax de les ganancies pola venta de los llibros a esta proteutora.

Una guía imprescindible tanto pa los humanos perrunos que viven en Xixón como pa los que visiten esta ciudá maravillosa na compaña del so can.
Palabras clave Turismo