Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Oxetivu 2020: afitar Xixón como destín turísticu intelixente, sostenible y accesible

Votos

(Total de votos recibidos 16)

(Puntuación 2,75)

barco
  • Divertia Gijón presentó güei nel stand del Conceyu de Xixón na FIDMA’16 el so Plan d’Aición de Xixón Turismu pal periodu 2016-2020.
  • Xixón asítiase como una ciudá atlántica, abierta, anovadora, creativa, con una ufierta bayurosa d’espardimientu, cultura, deporte y gastronomía, con equipamientos y servicios turísticos perbonos, que pon al algame lo meyor qu’Asturias ufre.
  • Los retos cimeros son integrar la ufierta y reforzar los elementos diferenciadores, la desestacionalización, atrayer turismu extranxeru o incorporar la tecnoloxía.
  • Destaca la importancia cada vez mayor del canal on line na información, na comunicación, na promoción y na comercialización turística.
Una estratexa pal desendolcu de la ciudá como destín turísticu y un conxuntu de programes y midides pa encarar los retos cimeros qu’atopa p’afitase como un destín turísticu intelixente, sostenible y accesible pa toles persones. Esto ye lo que plantega’l nuevu Plan d’Aición de Xixón Turismu 2016-2020, que presentó güei’l conceyal de Turismu, Deportes, Festexos y Xuventú, Jesús Martínez Salvador, nel stand del Conceyu de Xixón na Feria Internacional de Muestres d’Asturies.

Na ellaboración d’esti Plan d’Aición participaron dellos axentes del sector y de la ciudadanía. La participación, xunto cola información y los análisis recoyíos nel diagnósticu estratéxicu y nel benchmarking de destinos turísticos líderes, amosó la visión de Xixón como destín turísticu, la so estratexa d’asitiamientu competitivu y la so propuesta de valir. Tamién sirvió p’afitar les llinies estratéxiques y los Programas d’Actuación.

Retos estratéxicos
El Plan identifica los retos estratéxicos qu’encara la ciudá como destín turísticu. Destaca la integración de la ufierta turística de Xixón y el refuerzu de los elementos diferenciadores, la desestacionalización de la demanda, l’atraición de turismu extranxeru o la incorporación de la tecnoloxía a la actividá turística p’aprovechar les sos ventayes.

La visión turística de Xixón, que ye preciso construyir y afitar, ye la d’una ciudá abierta, anovadora, creativa, afayadiza pa esfrutar dafechu d’Asturies, con una ufierta cultural, musical y gastronómica bayurosa y con empreses granibles qu’ufierten servicios turísticos d’alta calidá. El Plan sorraya tamién el calter atlánticu de la ciudá, que resalta’l so venceyu cola mar y la so identificación con otres ciudaes europees que son destinos turísticos que medren.

Midíes concretes
Pa ello, y pa superar los retos principales qu’encara’l sector nel esfuerciu d’afitar la ciudá como destín turísticu intelixente, sostenible y accesible, el Plan propón delles midíes qu’actuarán sobre la ufierta y sobre la demanda turística.

Dientro de la llinia estratéxica empobinada a ameyorar y orientar la ufierta, el Plan propón afalar y sofitar la integración de la ufierta, crear y reforzar los productos turísticos cimeros de la ciudá (turismu gastronómicu, turismu d’espardimientu al traviés de la ufierta d’escapaes temátiques, turismu de reuniones, turismu cultural, turismu deportivu…), siguir ameyorando la calidá de la ufierta y afalar l’emplegu de la tecnoloxía pa construyir un destín turísticu intelixente.

Na llinia estratéxica empobinada a la influyencia sobre la demanda, el Plan tien en cuenta la importancia cada vez mayor del canal on line na información, na comunicación, na promoción y na comercialización turística. Tamién propón afondar nes actuaciones de promoción y comercialización de los productos turísticos cimeros de la ciudá.

El Plan nun escaez la necesidá de siguir modernizando los servicios d’información turística de la ciudá, tanto los servicios d’Infogijón como los servicios on line al traviés de la web o d’aplicaciones móviles.
Palabras clave Turismo