Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Les empreses de Xixón deprenden a crear productos turísticos sostenibles

Votos

(Total de votos recibidos 70)

(Puntuación 2,34)

rinconin 3
• Xixón acueye un taller de creación y comercializacion de productos turísticos sostenibles.
• Coordináu por Gijón Calidad Turística y el Club de Empresas de Turismo de Negocios de Asturias, asítiase dientro del programa Xixón Turismu Responsable.
Les tendencies de consumu anguaño faen plantegase la necesidá de crear productos turísticos sostenibles visibles nel mercáu. Poro, güei miércoles, 8 de xunu, celebróse nel Hotel Abba Playa Gijón un taller de creación y comercializacion de productos turísticos sostenibles empobináu a empreses del sector turísticu xixonés. El taller tuvo coordináu por Gijón Calidad Turística y el Club de Empresas de Turismo de Negocios de Asturias y asítiase dientro de les aiciones plantegaes nel programa Xixón Turismu Responsable.

Josep Capellà, de la empresa catalana DCB, Turismo y Desarrollo Local, foi l’encargáu de la ponencia, na que sorrayó:

• Medra l’interés por un modelu de turismu más sostenible y responsable.
• Los productos turísticos sostenibles, como’l turismu de naturaleza, los viaxes culturales o de bienestar, el cicloturismu..., medren más rápido qu’otros modelos de turismu más tradicionales, como’l turismu de sol y playa.
• Les claves pa la creación de productos turísticos responsables son: la sostenibilidá, la singularidá o l’estremu del productu, la segmentación -empobinándomos a una demanda más específica con un productu especializáu-, la rellación calidá preciu y l’usu de les nueves tecnoloxíes pa comercializar y llevar el nuesu productu al públicu final.

Xixón Turismu Responsable
A la estratexia de Xixón Turismu de desendolcar un turismu sostenible y responsable -y en llínia cola certificación Biosphere Destination, qu’amuesa la ciudá- súmase l’esfuerciu de la oferta turística llocal por diseñar y poner en valir productos que dean puxu a la identidá llocal, el patrimoniu y cultura xixonesa, la autenticidá, les actividaes respetuoses col mediu ambiente y la sociedá, etc.

Nesti sen, ye preciso destacar el proyeutu Xixón Turismu Responsable, entamáu dende Gijón Calidad Turística y el Club de Empresas de Turismo de Negocios de Asturias y nel que participen 11 empreses de la ciudá, ente les que s’alcuentren agospios, restoranes y sidreríes, museos y organizadores d’eventos. Reciclar, cuidar y respetar el medio ambiente, esfrutar de la cultura más tradicional, conocer les sos xentes, ser solidariu… son delles premises que yá inclúin estos negocios na so xestión diaria y na so ufierta de productos.

Xixón Turismu Responsable persigue concienciar a les empreses turístiques pa qu’ufierten servicios sostenibles a los sos clientes y asina algamar un efeutu aínda más positivu del turismu na ciudá.

La rellación completa d’empreses que participen nel proyeutu pue consultase en http://www.gijonconcalidad.com/experiencia-gijon-4-gijon-turismo-responsable
Palabras clave Turismo, Gijón