Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón, nomináu a Destín Turísticu Accesible 2017

Votos

(Total de votos recibidos 0)

(Puntuación 0)

Accesibilidad1
El ganador de la IV edición Destín Turísticu Accesible escuéyese per votación popular na web http://www.destinoaccesible.es/ ¡VOTACIÓN ABIERTA HASTA’L 16 DE PAYARES!
Xixón opta al premiu a Destín Turísticu Accesible 2017, concursu entamáu por quintu añu consecutivu por Thyssenkrupp Home Solutions que distingue a les ciudaes que tan faciendo esfuercios mayores na estaya de l’accesibilidá. Al premiu opten les ciudaes de más de 20.000 habitantes que cunten con plan d’accesibilidá, planu turísticu y rutes turístiques accesibles.

El ganador va escoyese per votación popular. Les votaciones puen realizase caldía na web http://www.destinoaccesible.es/ hasta’l 16 de payares.

¿Por qué Xixón tien de ser Destín Turísticu Accesible 2017?

Xixón trabaya caldía pa ufrir un destín turísticu para toes y toos. Xixón Turismu, en xunto a PREDIF (Plataforma Representativa Estatal de Personas con Discapacidad Física), desendolca’l “Programa d’Accesibilidá Turística de Xixón", onde se trabaya p’ameyorar l’accesibilidá y atención al públicu con discapacidá y necesidaes diverses n’establecimientos turísticos de la ciudá.

Xixón tien una montonera d’instalaciones y empreses col Distintivu d’Accesibilidá Universal:
  • 7 agospios
  • 9 museos y equipamientos turísticos
  • 6 restoranes y bares
  • 1 empresa de turismu activu
  • 1 sablera (Playa de Poniente)

Les oficines d’información turística Infoxixón tamién cunten col Distintivu d’Accesibilidá Universal. Amás, en collaboración con ONCE Asturies, iguó en braille’l cartafueyu xenéricu d’información turística de la ciudá.

Más información sobre Xixón accesible: http://www.gijon.info/page/5010-gijon-xixon-accesible

Proyeutu “Xixón Accesible: rutes d’interés turísticu accesibles pa toles persones”

Divertia Xixón y la Plataforma Representativa Estatal de Personas con Discapacidad Física, PREDIF, desendolquen también el proyeutu “Xixón Accesible: rutes d’interés turísticu accesibles pa toles persones”, que ye un analís de l’accesibilidá de cuatro rutes peatonales de la ciudá de Xixón.

L’oxetivu cimeru d’esti proyeutu ye ufrir a los visitantes con discapacidá y con necesidaes d’accesibilidá información afayadiza sobre los percorríos peatonales accesibles de Xixón que-yos permita planificar el viaxe y tamién improvisar demientres la so estancia na ciudá.

Pa la esbilla de los itinerarios túvose en cuenta’l so interés turísticu y les condiciones d’accesibilidá qu’aseguren que les persones de movilidá amenorgada puen pasar per ellos. Diseñáronse estes cuatro rutes:
  • Ruta El Cervigón
  • Ruta Cimavilla – Poniente
  • Ruta Xixón Llambión
  • Ruta Xixón- Este (cultura, deporte y naturaleza)

Arriendes d’ello, después de definir les rutes transitables por persones de movilidá amenorgada y los percorríos alternativos pa los tramos que presentaben torgues o barreres urbanes, diseñóse un mapa que recueye información afayadiza pa visitantes con discapacidá y con necesidaes d’accesibilidá en xeneral. El mapa indica los percorríos accesibles de la ciudá y ufre información sobre les condiciones d’accesibilidá de los recursos turísticos que formen parte del percorríu.

Tamién inclúi información sobre tresportes (taxis, estación de tren y aeropuertu), places acutaes d’aparcamientu pa PMA, aparcaderos públicos accesibles y otros servicios como, por exemplu, l’asistencia al bañu pa PMA nes sableres urbanes de la ciudá.

Les cuatro rutes accesibles de Xixón espublizáronse na aplicación móvil de Turismu Accesible TUR4all y en www.xixon.info
Palabras clave Turismo, 2017, Accesible, sostenible