Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón, capital de la moto en setiembre

| Compra tu entrada

Votos

(Total de votos recibidos 0)

(Puntuación 0)

Moto Weekend
Un añu más tendrá llugar el Gijón Moto Weekend. Un fin de selmana enllenu d’actividaes al rodiu del mundu de la moto, como exhibiciones free style, stunt, trial, sesiones de firmes de pilotos invitaos, charres, master class, conciertos, zona pa neños y neñes....
Del 15 al 17 de setiembre nel recintu ferial Luis Adaro.
La edición tercera del festival de la moto Gijón Motoweekend 2017 va celebrase del 15 al 17 de setiembre nel recintu ferial Luis Adaro de Xixón, afitándose como una cita imprescindible qu’allarga la bayurosa programación del branu xixonés.

Esti añu, Gijón Moto Weekend ufierta un conteníu global mui estensu. Habrá un salón de la moto al altor de los que se celebren nes capitales europees principales, cola gran mayoría de les marques asitiaes nel pabellón central, pruebes de motos, presentaciones de productos, etc.

Tamién habrá un show bike de constructores, con una zona pa les café racer y bobber onde nun van faltar les tiendes especializaes nesti estilu de motos.

Los shows, de primer nivel, van dende’l free style, de la mano de los LLeides; el stunt, pol piloto oficial de Ducati Emilio Zamora; la muria de la muerte; exhibición de trial outdoor; charres-coloquiu de ponentes como Kike Arenas y Perla Negra; master class del mayestru tapiceru d’asientos Lolo Pámanes, etc.

Esti añu tará nel festival el campeón del mundu y pilotu de MotoGP Tito Rabat, del Team Estrella Galicia. Poco a poco espublizarán la presencia d’otros invitaos, según confirmen la so asistencia.

El festival tamién pensó nos aficionaos más pequeños. La zona pa neños y neñes va cuntar con más de 3.000 metros cuadraos, con dos circuitos, ún de motos llétriques de trial y otru con motos de gasolina, xunto a una zona de xuegos hinchables, cars a pedales, rocódromu y hasta una fiesta de la espluma. La folixa ta garantizada.

Tamién afitaráse un muséu de la moto clásica, onde van vese xoyes auténtiques de la mano de coleiciones privaes, y un mercáu onde mercar cualesquier cosa venceyada col mundu de la moto.

La zona gastronómica dispondrá d’una ufierta mui bayurosa pa que’l serviciu de xintes y cenes tea al altor d’un festival d’esti tipu. La zona musical va cuntar con estes actuaciones:

VIENRES 15
19:00h a 20:00h - Subversiva
20:00 a 21:00 - Los Tal
21:30 a 23:00 - Fitomanía (TRIBUTU A FITO Y FITIPALDIS )
23:30 a 01:00 - Pedrá ( TRIBUTU A EXTREMODURO )
01:00 a 02:00 - Rafa Kas

SABADU 16
13:00 a 14:00 - Smooth
14.30 a 15.30 - 18Dias
21:00 a 20:00 - Lecter Bukosky
21.00 a 22.00 - Abaixo cu sistema ( TRIBUTU A SYSTEM OF A DOWN )
22.20 a 23.30 - SEEK EM ALL ( TRIBUTU A METALICA )
23.50 a 01.20 - Bon Scott Band (TRIBUTU A AC/DC)
01.20 a 02.00 Embolakas

• DOMINGU 17
13.00 a 14.00 - My Vestal
14.30 a 15.30 - Mota Blues
19.00 a 20.00 - Subversiva
20.00 a 21.00 - Los Volidos

Too esto, con unos precios mui afayadizos pa esfrutar d’un fin de selmana de la moto:

Anticipada: Vienres 4€ - Sábadu 4€- Domingu 4€ - Abonu 10€
En taquilla: Vienres 5€ - Sábadu 5€- Domingu 5€ - Abonu 12€
En llínia dende la web
 

Videu oficial 2017

1º Videu promocional 2017
Palabras clave Turismo, 2017, Gijón, Festivales