Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Llínia nueva d'artículos de promoción turística en Xixón

Votos

(Total de votos recibidos 7)

(Puntuación 5,00)

gorra camisetas merchandising
La xixonesa Ana Junquera ye la encargada de realizar el diseñu nuevu del ‘merchandising’, que yá ta a la venta n’Infoxixón.
Pexes, la Llaboral, l’Eloxu del Horizonte, les casetes de la playa, Pelayu, la sidra, barcos, montañes, la sablera… Son los elementos que componen el diseñu de la llínia nueva d’artículos de promoción que se podrán mercar nos puntos d’información turística de Xixón, Infoxixón, asitiaos nel Puertu Deportivu y nel muru de San Llorienzo onde La Escalerona.

El diseñu d’estos productos ta realizáu pola illustradora xixonesa Ana Junquera, de La Cósmica, que tuvo en cuenta los elementos más carauterísticos de la ciudá. Tamién, y en llínia col Plan de Normalización de la Llingua Asturiana, los productos inclúin el topónimu de la ciudá en castellanu, Gijón, y n’asturianu, Xixón.

Los productos, que ya tán a la venta n’Infoxixón y que tán empobinaos a turistes y xixoneses, son camisetes, gorres, bolses, llápices, chubasqueros, boligrafos y fundes de tableta. Amás, fixéronse pulseres y pegatines pa neños y neñes que van servir como regalu promocional, xunto a unos llápices-semiente que van emplegase pa sensibilizar sobre la sostenibilidá del destín turísticu.


Los precios de venta al públicu de los artículos son:

  •  Llápiz 1,00 €merchandising gijon
  •  Bolígrafu 2,00 €
  •  Bolsa 3,00 €
  •  Camiseta muyer 10,00 €
  •  Camiseta home 10,00 €
  •  Camiseta neñu/a 10,00 €
  •  Chubasquero 6,00 €
  •  Gorra 6,00 €merchandising gijon
  •  Funda tableta 8,00 €