Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

¡Xixón date ales!

Votos

(Total de votos recibidos 7)

(Puntuación 3,00)

red bull
  • ‘Red Bull: Día de les ales’, la competición d’artefautos esnaladores caseros, aterrizará nel Puertu Deportivu de Xixón el 3 de setiembre.
  • El plazu d’inscripción caltiénse abiertu hasta’l 31 de mayu.
Dos vegaes al añu, los xixoneses miren al cielu almiraos polo qu’ellí asocede: la primera, a la fin de xunetu, por cuenta del Festival Aéreu qu’enllena’l firmamentu de caces del Exércitu español y d’otros países; y la segunda, metanes d’agostu, cuando llocales y asturianos de tolos requexos contemplen los fueos artificiales que ponen el puntu final a la Selmana Grande de la ciudá. En 2017, tendrán un tercer motivu pa facelo.

Porque’l 3 de setiembre viniente aterriza en Xixón la competición ‘Red Bull Día de les Ales’. El puertu de la ciudá agospiará esti eventu nel que 35 equipos competirán por demostrar que’l so artefautu esnalador ye’l más eficaz de toos. Como’l Festival Aéreu, pero al algame de toos.

red bull 300pxEntá asina, nun ta llibre de retos. En ‘Red Bull Día de les Ales’ ye preciso que los participantes diseñen, construyan y piloten un artefautu esnalador que despegará dende una rampla a seis metros d’altor. Los competidores han d’amosar la so habilidá p’algamar que la so creación esnale la mayor distancia posible enantes de cayer al agua, pa lo que tendrán de diseñar los aparatos con percuru.

Porque, arriendes d’ello, Xixón pue ser testigu d’un nuevu récor mundial nesta competición. Hasta anguaño, la meyor marca tienla un equipu californiano, qu’esnaló 78,5 metros. 35 equipos intentarán arrampuña-y esti honor el mes de setiembre prósimu.

Sicasí, non too sedrá la esnalada pa los participantes en Xixón. ‘Red Bull Día de les Ales’ tamién premia la creatividá del cachizulu esnalador y la puesta n’escena de cada equipu participante.

INSCRIPCIONES

Pel momentu, y hasta qu’aporte’l gran día, lo esencial ye buscar los meyores pilotos pa enfrentase a un un aterrizax a la fuercia. Pa formar parte d’esta cuarta edición n’España de ‘Red Bull Día de les Ales’ (o Red Bull Flugtag, nel so idioma orixinal), los interesaos namás tienen de rexistrase na web oficial del eventu: www.redbulldiadelasalas.es. El plazu pa facelo va caltenese abiertu hasta’l 31 de mayu, fecha na que va facese la escoyeta de los equipos participantes según los proyeutos qu’amuesen los inscritos. Los más orixinales, viables y eficaces formarán parte de Red Bull Día de les Ales.

El 3 de setiembre Xixón xunirá’l so nome al de les más de 100 ciudaes que, dende 1992, agospiaron esta competición, atrayendo dende entós a más de 300.000 espectadores.

Más información: www.redbulldiadelasalas.es