Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Abril en Xixón: primer sidre l'añu y música lletrónica

Votos

(Total de votos recibidos 0)

(Puntuación 0)

caja sidra
  • LEV Festival: del 27 al 30 d’abril.
  • VII Media Maratón Xixón Villa de Xovellanos: 29 d’abril.
  • Primer sidre l’añu: 13 al 15 d’abril.
N’abril aporta una de les cites musicales y culturales más internacionales del añu en Gijón/Xixón. Ye’l LEV Festival (o Llaboratoriu de Lletrónica Visual). Esti festival ufierta dende l’añu 2007 una visión panorámica, ecléutica y de calidá de les delles rames presentes na creación lligada a la música lletrónica y les artes visuales. Celébrase del 27 al 30 d’abril en dellos espacios de la ciudá como Llaboral Ciudá de la Cultura, Llaboral Centru d’Arte y Creación Industrial o’l Xardín Botánicu Atlánticu.

Esa mesma fin de selmana tamién el deporte ye protagonista. La VII Media Maratón Xixón Villa de Xovellanos, que va tener llugar el 29 d’abril, ye la prueba de llarga distancia más esperada polos atletas de Gijón/Xixón y comunidaes más cercanes y una de les más perconocíes del panorama deportivu nacional. La media maratón, que cada añu supera les espeutatives de participación, con un percorríu a nivel del mar, de perfil llanu y con pocos xiros, perfeutu pa algamar marques personales bones.

Y, falando de Gijón/Xixón, nun podemos escaecer la gastronomía. Nesti casu, de la sidre. N’abril ya ta llista la primera sidre l’añu, resultáu de la collecha de la seronda. Y del 13 al 15 d’abril, coincidiendo con Selmana Santa, 50 llagares van averase al Muséu del Pueblu d’Asturies pa dar a prebar la so producción nuna gran espicha tradicional. Habrá, amás de bona gastronomía, tonada, deportes tradicionales, talleres infantiles de cocina creativa con mazana y sidre, taller de escanciáu, prebes guiaes de sidres del mundu…
Palabras clave Turismo