Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Dieciséis nuevos artistes zarren el cartelu de Gijón Sound Festival

| Compra tu entrada

Votos

(Total de votos recibidos 46)

(Puntuación 2,88)

gijon sound festival 2017
  • Manuela, nuevo grupu del guitarra y compositor de Franz Ferdinand, axúntase al cartelu.
  • Súmase una presencia destacada de grupos asturianos.
  • L’Espaciu Mahou, novedá en Gijón Sound Festival na Plaza Mayor de Xixón, acoyerá’l Conciertu Mahou Cinco Estrellas con DePedro.
  • Collaboración de la Unión de Comerciantes del Principado de Asturias y OTEA. Asociación de Hostelería y Turismo del Principado de Asturias
  • Renfe, nuevu collaborador del festival
  • Abonos a la venta por 55 € + gastos en www.gijonsoundfestival.com.
manuelaGijón Sound Festival enanta un día más a laso programación algamando una ufierta de tres díes: vienres 31 de marzu, sábadu1 y domingu 2 d’abril. Amás, confirma artistes nuevos: Manuela, Joe Crepúsculo,Los Bengala, Bumaye!, Isasa, Alberto y García, CAJ (Colectivu Asturianu deJazz), Alegato Boogaloo, Plastic Adicts djs, Adolfo Sputnik, EscuchandoElefantes, Fantástico Mundo de Mierda, Helios Amor, Improviso, Adolfo y Losone completenel cartelu nel que ya figuraben nomes de l’altor de Julieta Venegas, GlenHansard, Damien Jurado, Elle Belga, Las Potras, Manel, Max Gamuza, Novedades Carminha, Ten Fé y DePedro nel conciertu Mahou Cinco Estrellas.

Conestos dieciséis artistes, la organización del festival zarra’l meyor line up de les cinco ediciones. Destaca nestes nueves incorporaciones la presencia de Manuela, nuevu proyeutu de Nick McCarthy, guitarrista y ún de los fundadores de Franz Ferdinand, quien, nel añu 2016, anunció que dexaba la banda pa formar un nuevu proyeutu cola so muyer, la cantante Manuela Gernedel. De momentu, namás salió a la lluz un cancio de lo que sedrá’l so discu primeru, tituláu “Cracks In The Concrete”. Grabóse nos estudios Savage In Hockney de Llondres y nella resuenen los riffs carauterísticos de Franz Ferdinand en sincronía perfeuta coles percusiones. Conózse que’l LP de debut, previstu pa los prósimos meses pero entá ensin fecha confirmada de publicación, va cuntar con collaboraciones de Jim Dixon (Django Django), William Reese (Mystery Jets) y Paul Thompson (componente de Franz Ferdinand).

Afáyense abondos grupos asturianos.

fmmXeitu diferenciador del alcuentru xixonés ye’l sofitua la escena llocal: FMM (FantásticoMundo de Mierda), Losone, AlegatooBoogalo, Elle Belga, Adolfo Sputnik, Alberto & García, Max Gamuza, Improviso, Las Potras, Helios Amor y el Colectivu Asturianu de Jazz (CAJ) amuesen el talentu y les posibilidaes pergrandes cuando-yos dan tira a los artistes.

A estes confirmaciones súmase, como novedá, un espaciu nuevu del festival xixonés: l’Espaciu Mahou, asitiáu na Plaza Mayorde Gijón/Xixón. Col sofitu d’ún de los patrocinadores principales del Festival, esti espaciu ta concebíu como un puntu d’alcuentru nel que los asistentes van poder esfrutar de delles actuaciones musicales.

El sábadu 1 va celebrase la sesión vermú coles actuaciones de baldre de Joe Crepúsculo, presentando’l so discu nuevu “Disco Duro”; del grupu asturianu Alegato Boogaloo, formáu por CrisMontull a los teclaos, Manu Molina a la batería y percusión y Miguel Gallego al saxotenor; y el dúu Plastic Adicts djs. La tarde del sábadu va acoyer les actuaciones de pagu del grupu asturianu Alberto & García, presentando’l so discu caberu “Voladores”; y el Conciertu Mahou Cinco Estrellas, con DePedro. Les actuaciones van terminar nesti espaciu’l domingu 2 en sesión vermú con entrada de baldre cola Jam Sessión de la CAJ (Colectivu Asturianu de Jazz) y el dj Helios Amor. La collaboración de Mahou con Gijón Sound Festival afítase na so apuesta pol espardimientu y entretenimientu anovador na ciudá.

Un añu más, Gijón Sound Festival, entamáu en xunto por Divertia Gijón y Mestizo Producciones, busca dinamizar la ciudá colos estamentos diferentes que constitúin la so estaya económica. Lo qu’escomenzó siendo un suañu poco a poco va convirtiéndose en realidá gracies al sofitu del Conceyu de Gijón/Xixón, Recrea, Gobiernu del Principáu d’Asturies, Unión de Comerciantes del Principado de Asturias y OTEA Asociación de Hostelería y Turismo del Principado de Asturias. Gijón Sound amuésase como filu conductor y tresversal de la collaboración entelos axentes económicos y culturales de la ciudá tratando de dinamizar la ciudá y dando-yos a los visitantes una ufierta especial nel comerciu y la hostelería de la ciudá.

Dende la edición primera, el calter urbanu ye ún de los oxetivos cimeros de la organización que, poco a poco, va tomando forma y calando n’otres iniciatives. Na ciudá de Gijón/Xixón ya ta afitao que ye preciso que les iniciatives programátiques y eventos ufierten sesiones vermú y amuesen la ciudá como escenariu, una muestra de que la propuesta del GSF marcó un antes y un dempués na ciudá.

Renfe súmase como collaborador del Gijón Sound Festival, ufiertando tarifes promocionales nel trayeutu Madrid – Gijón/Xixón dende 16,50€ y descuentos del 60% n’otros percorríos. Un añu más, cuntamos cola presencia y collaboración de Gijón/Xixón 30 Díes en Bici y ye la bicicleta’l tresporte oficial del festival.

A la programación detallada acontinuación va sumase l’off festival o fiestes del festival. Más de venti llocales d’espardimientu nocherniegu axúntense a la propuesta festivalera con una programación especial, que fadrá de la ciudá un fervedoriu la fin de selmana cabera del mes de marzu.

PROGRAMACIÓN

VIENRES31

· FMM + Losone. Sala Subterránea. Dende les 20:00-22:00.8€Ant/10Taq

· Escuchando Elefantes + Glen Hansard. Sala Acapulco. Dende les21:00-23:00. 18€Ant/20€ Taq

· Julieta Venegas + Manel. Sala Albeniz. Dende les23:00-01:00.18€Ant/20€Taq

SÁBADU1

· SESION VERMU. Plastic Adict Dj´s+ Alegatoo Boogalo + Joe Crepúsculo. Espaciu Mahou.Dende les 13:00. Entrada de baldre.

· Isasa + Damien Jurado. Ilesia de la Llaboral. Dende les17:30-19:00. 10€ Ant/15€Taq

· Elle Belga. Sala de Pintures. Llaboral. Dende las19:15-20:15. 5 €

· Adolfo Sputnik + Alberto y García + conciertu Mahou Cinco Estrellas con Depedro. Espaciu Mahou. Plaza Mayor. Dende les 20:00-22:00. 12€Ant/15€Taq

· Las Potras + Bumaye! + Los Bengala. Sala Subterránea. Dende les20:00-23:00. 10€ Ant/12€Taq

· Improviso. Muséu Barjola. Conciertu Vericuetos. Dende les 20:00h. Entrada de baldre

· Max Gamuza + Novedades Carminha. Sala Acapulco. Dende les 21:30-23:30. 15€Ant/18Taq

· Ten Fé + Manuela. Sala Albéniz. Dende las 23:30-01:30.15€Ant/18€Taq

DOMINGU2

· SESION VERMU. Helios Amor +Colectivu Asturianu de Jazz. Espaciu Mahou. Plaza Mayor. Dende les 13:00. Entrada de baldre.

Les puertes de les sales abrirán 30 minutos enantes de cada actuación: la premisa sedrá la de la puntualidá....

Entraes a la venta online y más info en: gijonsoundfestival.com

Puntos de venta físicos:

· Llibrería Paradiso en Gijón/Xixón

· Bomba Records n’Oviedo/Uviéu

· NeverStop n’Avilés

Palabras clave Turismo, Gijón, Música directo