Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Más turistes nel primer cuatrimestre l'añu

Votos

(Total de votos recibidos 16)

(Puntuación 3,25)

Terraza marques
De xineru a abril aportaron a Xixón 113.446 viaxeros, cuasi un 5% más que nos primeros cuatro meses de 2015 y el meyor datu dende qu’esisten rexistros.
La cifra total de viaxeros agospiaos en establecimientos hoteleros de Xixón nel primer cuatrimestre l’añu foi de 113.446 persones, lo que supón un incrementu del +4,9% frente al mesmu periodu l’añu pasáu y ye’l meyor resultáu en valir absoluto dende que se dispón de datos oficiales. Estos datos espréndense de la Encuesta d’Ocupación Hotelera espublizada güei mesmu pol Institutu Nacional d’Estadística.

Tocantes al númberu de pernoctaciones, la cifra acumulada de xineru a abril afitóse en 211.874 pernoctaciones, 12.595 más que l’añu pasáu. Medra un +6,3% sobre’l mesmu periodu de 2015.

No tocante a l’orixe de los viaxeros agospiaos nos hoteles de la ciudá, los madrilanos ocupen el primer llugar (20.989 persones) y los gallegos el segundu (17.237 viaxeros), siguíos de castellanos y llioneses (13.902 viaxeros) y vascos (12.076 personas). Los mercaos d’orixe que presenten meyor xeitu son Madrid (+30,2%), Galicia (+14,8%) y Castiella – La Mancha (+65,4%).

L’aumentu de viaxeros y l’ameyoramientu de los datos de rentabilidá tórnense nun incrementu na facturación hotelera del +15,2% por agospiu frente al mesmu periodu de 2015, asitiando la cifra en 6,9 millones d’euros.

Abril ensin Selmana Santa

La cifra total de viaxeros agospiaos en establecimientos hoteleros de Xixón demientres el mes d’abril foi de 30.339 persones, 6.694 menos qu’en 2015. Esti amenorgamientu tien la causa en que la Selmana Santa esti añu celebróse en marzu y non n’abril como l’añu pasáu. En tou casu, l’añu caberu nel que la Selmana Santa tamién coincidió n’abril foi 2013 (19.715 viaxeros), poro l’incrementu frente a esi añu ye del +53,9%.
Palabras clave Turismo