Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón recueye'l premiu a meyor detín nacional dogfriendly

Votos

(Total de votos recibidos 18)

(Puntuación 3,11)

Playa con perros
Con 42 espacios públicos pa perros en llibertá, sableres pa mascotes, 17 agospios y decenes de comercios y llocales d’hostelería que permiten la entrada a perros, Xixón ye una de les ciudaes más ‘petfriendly’ d’España.
La ciudá de Xixón foi escoyida'l meyor destín d'España “Dog-friendly” del añu 2017. El premiu más prestixosu y de mayor sonadía del país ta entamáu por TRAVELGUAU y sofitáu pol Ministeriu d'Enerxía, Turismu y Axenda Dixital y pola Xunión Europea.

Premios TRAVELGUAU ye una iniciativa que xurde col envís d'esparder y reconocer a empreses, muérganos públicos y particulares que lluchen por facer el nuesu entornu más afayadizu pa les nueses mascotes y que, como TravelGuau, apuesten por afondar nel venceyu coles mascotes dende'l respetu y la convivencia.

Xixón yes mi can

Los viaxes de families y pareyes coles sos mascotes, sobre manera con perros, medraron abondo nos últimos años. Xixón da un pasu alantre pa fomentar el turismu y ufierta a los visitantes y a los xixoneses tola información posible pa qu’esfruten de les sos mascotes na ciudá.

A traviés de la campaña ‘XIXÓN, YES MI CAN’, entamada dende Divertia Gijón, la Villa de Xovellanos posiciónase como una de les ciudaes españoles qu’ufierta más servicios a los turistes que viaxen coles sos mascotes. La campaña emprincipió n’abril y la iniciativa va espardese a nivel nacional, con un especial esfuerciu en redes sociales en comunidaes autónomes vecines, en Madrid y en Cataluña. El hastag que va utilizase demientres la campaña sedrá #gijonyesmican.

Xixón ye una ciudá qu’ama a los animales, a les mascotes, a los perros. Nesi sen, hai que sorrayar na ciudá:

- 42 espacios públicos pa los perros.
- Dende anguaño, la sablera de El Rinconín abre a los perros los 12 meses del añu.
- La sablera de San Llorienzo accesible ente les escaleres 2 a 8, cuando nun ye temporada de baños (de payares a abril)
- 17 agospios na ciudá yá permiten mascotes y decenes de comercios y llocales d’hostelería permiten la entrada con mascotes nos sos llocales.

La información actualizada sobre estos espacios puede consultase en http://www.gijon.info/page/16102-novedad-gijon-dogfrienly.

Los comercios qu’almitan animales, hoteles, restaurantes, etc, pondrán nos sos escaparates, o onde consideren, una marca que los estreme. Sedrá una pegatina cola güelga "dogfriendly" que tendrá un códigu QR pa que’l públicu atope tola info actualizada.

Amás, Xixón puxa otres iniciatives pa facer de la ciudá un referente nesti sen. Divertia Gijón collabora na celebración d’EspacioMascotas nel recintu ferial Luis Adaro y va promover esti branu un particular FESTIVAL DE CANES, nel que va celebrase una fiesta y un gran desfile col sofitu de personaxes coñocíos de la ciudá y cola ayuda de la Asociación El Trasgu.
Palabras clave Turismo