Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

¿Quién toca esta selmana?

Votos

(Total de votos recibidos 1469)

(Puntuación 3,02)

Tomás Merlo & The Freepunk Ensemble
Si hai daqué que mueve a los xixoneses, en cualesquier dómina del añu, ye la perspeutiva de sentir un bon conciertu, seya en grandes escenarios seya en pequeños espacios que, repartíos per tola ciudá, ufierten ca selmana la meyor música. La ciudá suena al gustu de toos.
Los meses de branu son los que concentren la mayor parte de la ufierta, como pa tener d’escoyer ente un conciertu y otru. A la fin del mes de xunu entama Metrópoli, festival de cultura y entretenimientu, con un plantel d’artistes nacionales de la esfera pop. Ensin aliendu, desembarca la Selmana Negra, el festival que tien a la lliteratura policiaca como columna vertebral y qu’inxerta una programación musical diario y variao nel so escenariu principal.

El Festival de Música Antigua de Xixón toma’l relevu. Esti festival, yá enraigonáu tres 18 años, permite descubrir nueves estétiques que, al ser antigües o perantigües, taben lloñe del ociu coleutivo pola so desconocencia.

Pa los amantes de la música de raigañu, el Festival Arcu Atlánticu ye una cita ineludible a la fin de xunetu. Música con reminiscencies folkies, que s’amesten col pop o el rock, anubren diferentes escenarios del centro de la ciudá. Músicos provenientes de Portugal, Irlanda, Inglaterra, Francia o el Norte d’España comparten el so raigañu atlánticu amosando los sos venceyos y les sos diferencies.

Y aporten nel momentu nel que los mods y los siguidores de la estética de los años 60, coles sos vespes, patielles y camises abotonáes hasta’l pescuezu, déxense ver peles cais de Xixón. Ye l’Euro Ye-Ye, un festival que, con más de 20 ediciones al costazu, ye yá un referente de la escena musical n’España.
 
N’agostu, la música nun para de sonar en Xixón. La Selmana Grande, la Fiesta de la Sidra y el festival Monkey Days, empobináu a la música pop ya indie nacional ya internacional, aseguren unas programación musical variao hasta la fin del branu.

Yá en payares ye’l turnu del jazz, esa música cadenciosa, con groove, que tien una presencia continua na programación cultural de la ciudá, pero que se fai más patente na primer quincena de payares. Jazz Xixón esparde los sos sones per diferentes escenarios de la ciudá, per onde yá pasaron Miles Davis, Gillespi o Graphelli.

Pa finar l’añu, xusto enantes de les fiestes navidiegues, el Teatru Xovellanos abre les puertes p’abellugar la música góspel, música enraigonada nel sufrimientu de xeneraciones d’esclavos africanos que fueron arrincaos de la so tierra y deportaos a los países d’América, especialmente a Estaos Xuníos.

En primavera, Xixón da muncho que falar. O, yá que sal, que sentir. Porque la ciudá asturiana acueye de nueves ún de los festivales de música que, con seguridá, ye una de les principales cites del pop y del rock, el Xixón Sound Festival.

Jazz, góspel, rock, pop, indie, folk, clásica…. Tou estilu musical cabe na programación anual de festivales de Xixón. Y nesa amplitú nun podía faltar la música más vanguardista. El LEV Festival (Laboratorio de Electrónica Visual) ufierta dende l’añu 2007 una visión panorámica, ecléutica y cualitativa de la creación amestada a la música lletrónica y a les artes visuales nun marcu perafayadizu: LABoral Centru d’Arte y Creación Industrial.

PROGRAMACIÓN FESTIVALES 2017

Abril
Xixón Sound Festival. Del 31 de marzu al 1 d'abril.
LEV Festival. Del 27 al 30 d’abril.

Xunetu
Metrópoli. 30 de xunu al 9 de xunetu.
Selmana Negra. Del 7 al 16 de xunetu.
Festival de Música Antigua Xixón. Del 9 al 16 de xunetu.
Festival Arcu Atlánticu. Del 21 al 30 de xunetu.

Agostu
Festival Folclóricu Internacional. 1 y 2 d'agostu.
Euro Ye-ye. Del 3 al 5 d’agostu.
Semana Grande. Del 5 al 15 d'agostu.

Payares
Jazz Xixón. Del 9 al 11 de payares.

Avientu
Festival Góspel Xixón. Del 15 al 17 d’avientu.
Palabras clave Turismo