Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Tres propuestes pa saborguíar Xixón

Votos

(Total de votos recibidos 1359)

(Puntuación 3,00)

Gijón Gastronómico del Mar
Xixón ye sinónimu de sidra. Ye’l conceyu d’Asturies onde más sidra se produz, onde más se bebe y onde más sidreríes y merenderos hai. Pero Xixón tamién destaca pola alta cocina, col mayor númberu d’estrelles Michelín del Principáu. Ensin escaecer el Xixón más llambión, esi de les confiteríes, bomboneríes y xeladeríes que faen más dulces los paseos pela Villa de Xovellanos. Equí proponémoste tres formes afayadices d’esfrutar de la gastronomía xixonesa.
Pa los más sidreros, nun hai meyor forma d’afayase na nuesa ciudá que descubriendo les sos sidreríes, los merenderos y los más de venti llagares del conceyu. La Ruta de la Sidra propón delles opciones p’averase al bayurosu mundiu de la bebida más típica asturiana. Podrás conocer el Xardín Botánicu Atlánticu y estremar les variedáes de mazana, aportar a ún de los llagares qu’arrodien la ciudá pa descubrir les pumaráes, el procesu d’ellaboración de la sidra, participar na mayanza o tastiar la sidra direutamente del tonel o, nel so casu, percorrer les sidreríes y los merenderos más populares y enraigonaos de Xixón.
Si lo que ties pensao ye una xinta o una cena especial, quiciabes róndate pela cabeza prebar ún de los meyores restuaranes de Xixón, munchos d’ellos cola prestixosa estrella Michelín. Equí convive la cocina más tradicional cola más anovadora y dellos restauranes son prueba de ello: Auga, La Salgar, Casa Gerardo, Alejandro G. Urrutia, Bellavista, Casa Víctor, El Candil, El Perro que Fuma. Col productu Gijón Gourmet podrás esfrutar d’un menú degustación, cola bebida incluyía, pa tastiar dos orixinales entráes, dos platos esbillaos y un postre diferente de la mano de los meyores chefs de Xixón. ¡Y por solo 45 euros! Un preciu más qu’afayadizo pa estes propuestes gastronómiques.
Pa los llambiones tamién hai una manera orixinal de sabroguiar Xixón: Gijón Goloso, un homenax a la cara más dulce de la ciudá. Nun hai meyor manera de pasiar peles cais de la Villa descubriendo les especialidáes de les confiteríes, chicolateríes y xeladeríes. El bonu de 5 degustaciones val solo 7 euros y el de 10, 13 euros. Amás, nun fai falta fartucase y consumir toles degustaciones nel mesmu día. Pues usar el bonu en diferentes díes y percorrer Xixón al gustu de casadielles, bombones, xelaos, pasteles d’arroz con lleche o de mazana, ente otros.
Palabras clave Turismo, Gastronómico